පුරවැසි මාධ්‍යවේදීන්ගේ දැනුම වර්ධනය, අත්දැකීම් හුවමාරුව සහ ජංගම දුරකථනය භාවිතයෙන් සිදුකෙරෙන පුරවැසි වාර්තාකරණය නව මානයකට රැගෙන යාම සඳහා වන CitizensConnect (සිටිසන්ස්කනෙක්ට්) දිවයින පුරා විසිරී සිටින පුරවැසියන්ට තවදුරත් අවස්ථාව සැලසීමට සූදානම් වේ.
රට පුරා විහිදුනු පුළුල් පුරවැසි මාධ්‍යවේදී ජාලයක් ගොඩනගමින් ඔවුන්ගේ දැනුම සහ කුසලතා වර්ධනයට සහයෝගයක් සැපයීමත් සැබෑ පුරවැසි හඬ සඳහා විකල්ප මාධ්‍ය වේදිකාවක් ගොඩනැංවීමත් මෙමගින් අපේක්ෂා කෙරේ.
මෙම වැඩසටහන යටතේ පුරවැසි/ ජංගම මාධ්‍යවේදයේ නව්‍යතා පිළිබඳ පුහුණු වැඩසටහන්, පුරවැසි මාධ්‍යවේදීන්ගේ පුළුල් නියෝජනයක් සහිත මාධ්‍ය ජාලයක් සහ අනන්‍ය වාර්තාකරණ අවකාශයක් නිර්මාණය කෙරේ.
CitizensConnect යනු IREX/ MEND ආයතනයේ සහයෝගීතාව සහිතව විමර්ශනාත්මක වාර්තාකරණ මධ්‍යස්ථානය විසින් මෙහෙයවනු ලබන නවතම අත්දැකීමකි.
මෙහි හඳුන්වාදීමේ වැඩසටහන සහ ජංගම වාර්තාකරණයේ මූලිකාංග පුහුණුව සඳහා ඔබේ සහභාගිත්වය තහවුරු කර ගැනීම සඳහා 2022 පෙබරවාරි 15 දිනට පෙර පහත අයදුම්පත්‍රය පුරවා එවන්න.
